రెండేళ్ల తరువాత పవర్ స్టార్ పవన్ కళ్యాణ్ తిరిగి సినిమాల్లోకి రీ ఎంట్రీ ఇవ్వబోతున్న సంగతి తెలిసిందే. ఎన్నో ఆశలు పెట్టుకున్న ‘అజ్ఞాతవాసి’ సినిమా డిజాస్టర్ అయ్యింది కాబట్టి … దిల్ రాజు నిర్మాణంలో చేస్తున్న ‘వకీల్ సాబ్’ చిత్రం కచ్చితంగా హిట్ అవ్వాలని కోరుకుంటున్నారు. ‘ఎం.సి.ఏ’ సినిమాలో నాని ని మాస్ యాంగిల్ లో చూపించినట్టు .. కాసేపు అయినా పవర్ స్టార్ ను మాస్ యాంగిల్ లో దర్శకుడు వేణు శ్రీరామ్ చూపిస్తే చాలు అంటూ వారు కోరుకుంటున్నారు.అయితే ఈ సమ్మర్ కి… మే 15 నే ‘వకీల్ సాబ్’ ను విడుదల చేస్తారు అనుకుంటే అది కుదిరేలా కనిపించడం లేదనేది తాజా సమాచారం.
వివరాల్లోకి వెళితే… త్వరలో ఆంధ్రప్రదేశ్ లో పంచాయితీ ఎన్నికలు జరుగనున్నాయి కాబట్టి … తన పార్టీ పనులకి… అలాగే మీటింగ్ లకి పవన్ వెళ్లాల్సి ఉంది. దీంతో ‘వకీల్ సాబ్’ షూటింగ్ కూడా లేటయ్యే ఛాన్స్ ఉందట. ఈ మేరకు నిర్మాత దిల్ రాజుకి కూడా పవన్ ఈ విషయాన్ని తెలియజేశారట. దానికి దిల్ రాజు కూడా సానుకూలంగా స్పందించినట్టు సమాచారం. ఎంత కాదన్నా… ఓ 30 రోజులు పైనే సినిమా లేట్ అయ్యే అవకాశాలు ఉన్నాయట. దాంతో పవన్ అభిమానులు చొక్కాలు చించుకోవడానికి టైం పడుతుందని చెప్పాలి. ఓ రకంగా ఇది వారికి బ్యాడ్ న్యూస్ అనే చెప్పాలి. ఇక ఈ చిత్రంలో నివేదా థామస్, అనన్య కీలక పాత్రలు పోషిస్తున్నారు. తమన్ సంగీతం అందిస్తున్నాడు. ఇటీవల విడుదల చేసిన ఫస్ట్ లుక్ మరియు ఫస్ట్ సింగిల్ కు అదిరిపోయే రెస్పాన్స్ వచ్చిన సంగతి తెలిసిందే.
Most Recommended Video
పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!
