2021లో రాబోయే క్రేజీ చిత్రాలలో పవన్ కళ్యాణ్ ‘వకీల్ సాబ్’ ఒకటి. దాదాపు మూడేళ్ల విరామం తరువాత పవన్ నుండి రానున్న సినిమా కావడంతో ప్రేక్షకుల్లో భారీ అంచనాలు ఏర్పడ్డాయి. నిజానికి ఈ సినిమా 2020లోనే రిలీజ్ కావాల్సివుంది. కానీ కరోనా దెబ్బకి వాయిదా పడింది. లాక్ డౌన్ అనంతరం షూటింగ్ మొదలుపెట్టి రీసెంట్ గా పూర్తి చేశారు. ఈ విషయాన్ని చిత్రబృందం వెల్లడించింది. సినిమాలో వేరే పాత్రధారులతో కొన్ని సన్నివేశాలను బాకీ ఉన్నాయి. మరో రెండు వారాల్లో టాకీ మొత్తం పూర్తవుతుంది.
సంక్రాంతి సమయానికి సినిమాను రిలీజ్ చేయడం కష్టమని.. పైగా యాభై శాతం ఆక్యుపెన్సీతో రిలీజ్ చేస్తే నష్టాలు కలిగే ఛాన్స్ ఉందని నిర్మాత దిల్ రాజు సినిమాను వాయిదా వేశాడు. ఫిబ్రవరి, మార్చి నెలలు సీజన్ కాదు కాబట్టి అప్పుడు ‘వకీల్ సాబ్’ని రిలీజ్ చేసే ఛాన్స్ ఎంతమాత్రం లేదు. వేసవికి సినిమాను రిలీజ్ చేయడం పక్కా అని తెలుస్తోంది. అయితే డేట్ విషయంలో ఇంకా క్లారిటీ లేదు. అయితే దిల్ రాజు మాత్రం ఓ డేట్ అనుకుంటున్నట్లు సమాచారం.
వేసవిలో ఆలస్యం చేయకుండా ఈ సినిమాను రిలీజ్ చేయాలని దిల్ రాజు నిర్ణయించుకున్నాడట. ఏప్రిల్ 9కి ముహూర్తం కూడా ఫిక్స్ చేసినట్లు టాక్. కొన్ని రోజులుగా ఏప్రిల్ 30న ప్రభాస్ ‘రాధేశ్యామ్’ విడుదల కావొచ్చని ప్రచారం జరుగుతుంది. అదే నిజమైతే ప్రభాస్ సినిమాకి, పవన్ సినిమాకి మూడు వారాలు గ్యాప్ ఉండేలా చూసుకొని ఏప్రిల్ 9న ‘వకీల్ సాబ్’ని రిలీజ్ చేయాలని నిర్ణయించుకున్నారట.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
