పవర్ స్టార్ పవన్ కళ్యాణ్ దాదాపు మూడేళ్ళ తరువాత బిగ్ స్క్రీన్ పై సందడి చేయబోతున్న విషయం తెలిసిందే. పింక్ సినిమాకు రీమేక్ గా తెరకెక్కిన వకీల్ సాబ్ సినిమా ఏప్రిల్ 9న గ్రాండ్ గా విడుదల కాబోతోంది. అయితే సినిమాకు సంబంధించిన ఒక ఇంట్రెస్టింగ్ అప్డేట్ అభిమానులకు మంచి కిక్కిస్తోంది. ఫిబ్రవరి 14న స్పెషల్ సర్ ప్రైజ్ ప్లాన్ చేసినట్లు తెలుస్తోంది. ఈ సినిమాను వేణు శ్రీరామ్ డైరెక్ట్ చేయగా దిల్ రాజు, బోని కపూర్ సంయుక్తంగా నిర్మించారు.
ఇక థమన్ మ్యూజిక్ అందించిన విషయం తెలిసిందే. మొదటి పాట ‘మగువ మగువ’ ఏ రేంజ్ లో క్లిక్కయ్యిందో స్పెషల్ గా చెప్పనవసరం లేదు. ఇక టీజర్ కూడా మంచి బజ్ క్రియేట్ చేయగా నెక్స్ట్ వాలెంటైన్స్ డే రోజున మరో మంచి సాంగ్ తో మరింత బజ్ క్రియేట్ చేయాలని చిత్ర యూనిట్ ప్లాన్ చేసినట్లు తెలిసిపోయింది. సంగీత దర్శకుడు థమన్ ఫిబ్రవరి 14న ఒక సర్ ప్రైజ్ రానున్నట్లు చెప్పాడు. అది వకీల్ సాబ్ సినిమాకు సంబంధించిన స్పెషల్ సాంగ్ అని తెలుస్తోంది.
పవన్ కళ్యాణ్ హీరోయిన్ శృతి హాసన్ మధ్యన సాగే ఒక రొమాంటిక్ సాంగ్ ను విడుదల చేయనున్నట్లు సమాచారం. మరి ఈ న్యూస్ ఎంతవరకు నిజమో తెలియాలి అంటే ఫిబ్రవరి 14వ వరకు వేయిట్ చేయాల్సిందే. ఇక వకీల్ సాబ్ సినిమాలో నివేత థమన్, అంజలి, అనన్య ముఖ్యమైన పాత్రల్లో నటించిన విషయం తెలిసిందే.
Most Recommended Video
జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?
