సోషల్ మీడియాలో నయనతార రిలేషన్స్ ను ఏకేసిన వనిత విజయ్ కుమార్

July 23, 2020 / 12:01 PM IST

“ఎంకి పెళ్లి సుబ్బి చావుకొచ్చింది” అనే సామెత ఊరికే రాలేదు అనిపిస్తుంది. ఎందుకంటే.. కొన్నేళ్ళ క్రితమే సినిమాలకు దూరమైన వనిత విజయ్ కుమార్ మూడో పెళ్లి చేసుకోవడం ఏమిటి, ఆమె మూడో భర్త మొదటి భార్య వనిత మీద మీడియా సాక్షిగా విరుచుకుపడడం ఏమిటి.. మధ్యలోకి నయనతారను లాగడం ఏమిటి. అసలు వీళ్ళ మూడో పెళ్ళికి నయనతారకు సంబంధం ఏమిటి అనుకొంటున్నారు కదా. నెటిజన్లకు కూడా ఈ విషయంలో చాలా కన్ఫ్యూజన్ ఉంది.

అయితే.. ఇక్కడ మేటర్ ఏమిటంటే, వనిత విజయ్ కుమార్ మూడో పెళ్లి మీడియాలో సెన్సేషన్ అయ్యింది. ముఖ్యంగా ఆమె మూడో భర్త , తన మొదటి భార్యకు విడాకులు ఇవ్వకుండానే మూడో పెళ్లి చేసుకొన్నాడనేది చర్చనీయాంశమైన విషయం. ఈ ప్రశ్నకు సమాధానం చెబుతూ వనిత అప్పట్లో ప్రభుదేవ తన భార్యకు విడాకులు ఇవ్వకుండానే నయనతారతో సహజీవనం చేసిన సందర్భాన్ని ప్రస్తావించింది. అసలే గతాన్ని వదిలేసి విగ్నేష్ శివన్ తో పెళ్ళికి రెడీ అవుతున్న నయనతార మళ్ళీ ఇలా వార్తల్లో నిలవడంతో ఆమె అభిమానులు ఆగ్రహించారు.

Vanitha Vijayakumar 3rd marriage become headache for Nayanthara1

వనిత విజయ్ కుమార్ ట్వీట్లు డిలీట్ చేయడమే కాక, ఆమె ఎకౌంట్ డీయాక్టివేట్ చేసుకొనేవరకూ వదలలేదు. అయితే ఈ మేటర్ ఇక్కడితో సైలెంట్ అవ్వలేదు.. మీడియా కూడా వనిత-నయనతార మేటర్ ను హైలైట్ చేయడం మొదలెట్టింది. మరి నయనతార ఈ విషయమై స్పందిస్తుందా లేక ఎప్పటిలానే సైలెంట్ గా ఉంటుందా అనేది తెలియాల్సి ఉంది.