భాషతో సంబంధం లేకుండా గుర్తింపు సంపాదించుకున్నా వివాదాస్పద విషయాల ద్వారా తరచూ వార్తల్లో నిలిచే సెలబ్రిటీగా వనితా విజయ్ కుమార్ కు పేరుంది. కొన్ని రోజుల క్రితం పెళ్లికి పిలవలేదని షాకింగ్ కామెంట్లు చేసిన వనితా విజయ్ కుమార్ తాజాగా తండ్రి విజయ్ కుమార్ వల్లే తన జీవితం నాశనమైందని చెప్పుకొచ్చారు. తమిళంలో చంద్రలేఖ సినిమాతో వనితా విజయ్ కుమార్ ఇండస్ట్రీలోకి అడుగుపెట్టారు. దేవి సినిమా తెలుగులో ఈ నటికి మంచి గుర్తింపు వచ్చింది.
మూడు పెళ్లిళ్లు చేసుకోవడం ద్వారా వార్తల్లో నిలిచిన వనితా విజయ్ కుమార్ తెలుగులో ప్రస్తుతం బిజీ అవుతున్నారు. టాలీవుడ్ ఇండస్ట్రీ నుంచి వచ్చిన ఆఫర్లను ఆమె సద్వినియోగం చేసుకుంటున్నారు. ఇద్దరు కూతుళ్లతో కలిసి ఒంటరిగా జీవనం సాగిస్తున్న వనితా విజయ్ కుమార్ ఒక ఇంటర్వ్యూలో మాట్లాడుతూ ఆసక్తికర వ్యాఖ్యలు చేశారు. ఒక ఇంటర్వ్యూలో వనిత తన తండ్రి గురించి మాట్లాడుతూ మా నాన్న ఇంటర్వ్యూలో తన పిల్లల పేర్లు చెబుతూ నా పేరు మాత్రం ప్రస్తావించలేదని ఆమె తెలిపారు.
నా పేరు పలకడానికి కూడా మా నాన్నకు ఇష్టం లేదని వనితా విజయ్ కుమార్ చెప్పుకొచ్చారు. నాన్నకు ఇష్టం ఉన్నా లేకపోయినా నేను ఆయన కూతురినే అనే విషయం ప్రపంచానికి తెలుసని ఆమె కామెంట్లు చేశారు. ప్రస్తుతం నా లైఫ్ ఇలా అయిందంటే మా నాన్నే కారణమని వనితా విజయ్ కుమార్ కామెంట్లు చేశారు. ఆయన వల్లే నా లైఫ్ నాశనమైందని ఆమె తెలిపారు.
ఆయన మాటలు వినడం వల్లే నేను ఇలా తయారయ్యానని (Vanitha Vijaykumar) వనితా విజయ్ కుమార్ వెల్లడించారు. వనితా విజయ్ కుమార్ చెప్పిన విషయాలు సోషల్ మీడియా వేదికగా వైరల్ అవుతున్నాయి. వనిత కామెంట్ల గురించి విజయ్ కుమార్ ఏ విధంగా స్పందిస్తారో చూడాలి.
సుందరం మాస్టర్ సినిమా రివ్యూ & రేటింగ్!
మస్తు షేడ్స్ ఉన్నయ్ రా సినిమా రివ్యూ & రేటింగ్!
సిద్ధార్ధ్ రాయ్ సినిమా రివ్యూ & రేటింగ్!
Home