నటి రాధిక పై వరలక్ష్మీ శరత్ కుమార్ సంచలన వ్యాఖ్యలు..!

December 23, 2021 / 08:27 PM IST

వరలక్ష్మీ శరత్ కుమార్ ఈమె తమిళ నటే కానీ తెలుగు ప్రేక్షకులకి కూడా సుపరిచితురాలే అని చెప్పడంలో అతిశయోక్తి లేదు. ఎందుకంటే నటుడు శరత్ కుమార్ కూతురు ఈమె. శరత్ కుమార్ తెలుగులో అనేక చిత్రాల్లో హీరోగా నటించాడు. అలాగే ‘గ్యాంగ్ లీడర్’ చిత్రంలో మెగాస్టార్ చిరంజీవికి అన్నయ్య గాను అలాగే.. ‘బన్నీ’ చిత్రంలో అల్లు అర్జున్ కు తండ్రిగాను నటించాడు. ఇప్పుడు కూడా వరుసగా కొన్ని తెలుగు సినిమాల్లో నటిస్తూనే ఉన్నారు. ఈయన ప్రముఖ నటి రాధిక ను రెండో వివాహం చేసుకున్న సంగతి తెలిసిందే.

Varalaxmi Sarathkumar About Raadhika Sarathkumar1

అయితే వరలక్ష్మీ మొదటి భార్య కూతురు. రాధికకు ఈమె కూతురులాంటిదే. అయినప్పటికీ ఈమెను అంటీ అనే పిలుస్తుందట వరలక్ష్మీ. ఈ విషయం స్వయంగా వరలక్ష్మీ నే చెప్పుకొచ్చింది. ఏ విషయాన్ని అయినా ముక్కు సూటిగా, కుండబద్దలు కొట్టినట్టు చెబుతుంది వరలక్ష్మీ. ఇటీవల ఆమె పాల్గొన్న ఇంటర్వ్యూలో ఆమె రాధిక గురించి మాట్లాడుతూ.. “రాధికగారిని నేను ఆంటీ అనే పిలుస్తాను. ఎందుకంటే ఆమె నా తల్లి కాదు. నా తండ్రికి రెండవ భార్య. నాకు అమ్మ అంటే ఒక్కరే…! నాకే కాదు ఎవరికైనా అమ్మ ఒక్కరే ఉంటారు. అందుకే రాధిక గారు తనకు తల్లి కాదు.. ఆంటీనే..! అయితే నేను నా తండ్రితో సమానంగా.. ఆమెను గౌరవం ఇస్తాను” అంటూ చెప్పుకొచ్చింది వరలక్ష్మీ..!