టాలీవుడ్ స్టార్ ప్రొడ్యూసర్లలో ఒకరైన దిల్ రాజు నిర్మించిన సినిమాలలో మెజారిటీ సినిమాలు సక్సెస్ సాధించాయి. ఒకవైపు నిర్మాతగా మరోవైపు డిస్ట్రిబ్యూటర్ గా దిల్ రాజు సక్సెస్ ఫుల్ గా కెరీర్ ను కొనసాగిస్తున్నారు. విజయ్ వంశీ పైడిపల్లి కాంబినేషన్ లో వారసుడు పేరుతో దిల్ రాజు నిర్మాతగా ఒక సినిమా తెరకెక్కుతున్న సంగతి తెలిసిందే. తమిళంలో వారిసు అనే టైటిల్ తో ఈ సినిమా తెరకెక్కుతుండటం గమనార్హం. వారసుడు సినిమా ప్రీ రిలీజ్ బిజినెస్ కు సంబంధించి షాకింగ్ విషయాలు వెలుగులోకి వస్తున్నాయి.
పాన్ ఇండియా మూవీగా భారీ బడ్జెట్ తో ఈ సినిమా తెరకెక్కగా 2023 సంవత్సరం జనవరి 12వ తేదీన ఈ సినిమా థియేటర్లలో విడుదల కానుందని సమాచారం అందుతోంది. ప్రముఖ ఓటీటీలలో ఒకటైన అమెజాన్ ప్రైమ్ ఈ సినిమా డిజిటల్ హక్కులను 60 కోట్ల రూపాయలకు కొనుగోలు చేసిందని బోగట్టా. సన్ టీవీ ఈ సినిమా శాటిలైట్ హక్కులను 50 కోట్ల రూపాయలకు కొనుగోలు చేసిందని తెలుస్తోంది. ఈ సినిమా హిందీ, ఓవర్సీస్ హక్కులు 70 కోట్ల రూపాయలకు అమ్ముడయ్యాయని బోగట్టా.
ఈ సినిమా ఆడియో హక్కులు 10 కోట్ల రూపాయలకు అమ్ముడైనట్లు తెలుస్తోంది. ఈ సినిమా ఇతర భాషల థియేట్రికల్ హక్కులు దాదాపుగా 200 కోట్ల రూపాయల రేంజ్ లో అమ్ముడయ్యే ఛాన్స్ అయితే ఉంది. వారసుడు సినిమా ప్రీ రిలీజ్ బిజినెస్ 400 కోట్ల రూపాయలకు అటూఇటుగా జరిగే అవకాశం అయితే ఉంది.
ఈ సినిమా ద్వారా నిర్మాత దిల్ రాజుకు 100 కోట్ల రూపాయల కంటే ఎక్కువ మొత్తం లాభం దక్కే అవకాశం అయితే ఉందని కామెంట్లు వ్యక్తమవుతున్నాయి. దిల్ రాజు సినీ కెరీర్ లో భారీ స్థాయిలో లాభాలను మిగిల్చిన సినిమాలలో ఈ సినిమా కూడా ఒకటిగా నిలిచే అవకాశాలు అయితే ఉన్నాయని ప్రచారం జరుగుతోంది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
