బెల్లంకొండ సాయి గణేష్ హీరోగా వర్ష బొల్లమ హీరోయిన్ గా స్వాతి ముత్యం మూవీ రూపొందిన సంగతి తెలిసిందే. నూతన దర్శకుడు లక్ష్మణ్ తెరకెక్కించిన ఈ చిత్రాన్ని సితార ఎంటర్టైన్మెంట్ బ్యానర్ పై సూర్య దేవర నాగ వంశీ ఈ చిత్రాన్ని నిర్మించారు. అయితే చిరంజీవి గాడ్ ఫాదర్, నాగార్జున ది ఘోస్ట్.. చిత్రాలతో పాటు అక్టోబర్ 5 నే ఈ చిత్రం రిలీజ్ అవుతుండడంతో ఈ మూవీ ఎక్కువగా వార్తల్లో నిలిచింది.
రెండు పెద్ద చిత్రాల మధ్య ఈ చిన్న సినిమా రిలీజ్ అవుతుంది అంటే కచ్చితంగా ఈ సినిమాలో మంచి కంటెంట్ ఉంది అని అంతా అనుకుంటారు. ప్రోమోస్ కూడా ప్రామిసింగ్ గా ఉండడంతో సినిమా పై ప్రేక్షకుల్లో ఆసక్తి పెరుగుతుంది.ఇదిలా ఉండగా.. తాజాగా ఈ చిత్రం ప్రమోషన్లో భాగంగా హీరోయిన్ వర్ష బొల్లమ పాల్గొని ఎన్టీఆర్ పై చేసిన కామెంట్స్ వైరల్ అవుతున్నాయి. టాలీవుడ్ లో ‘ మీకు ఇష్టమైన హీరో ఎవ్వరైనా ఉన్నారా? ‘ అని ఓ రిపోర్టర్ ప్రశ్నించగా… ‘ నాకు ఇష్టమైన హీరో అంటూ ఎవ్వరూ లేరు.
ఇది చాలా సేఫ్ ఆన్సర్. అయితే ఆర్.ఆర్.ఆర్ చిత్రంలో కొమరం భీముడో పాట చూసినప్పుడు ఎన్టీఆర్ నటన చాలా బాగా నచ్చింది. ఆ పాటలో కోపంతో, బాధతో ఎన్టీఆర్ బుగ్గలు ఊపించినప్పుడు గూజ్ బంప్స్ వచ్చాయి. ‘ అంటూ చెప్పుకొచ్చింది వర్ష. ఇక స్వాతి ముత్యం సినిమాలో తన పాత్ర అందరినీ ఆకట్టుకుంటుంది అని చెప్పుకొచ్చింది. కమర్షియల్ సక్సెస్ అందినా అందకపోయినా మంచి పెర్ఫార్మర్ అనిపించుకోవడం ఇష్టం అని కూడా ఈ అమ్మడు చెప్పుకొచ్చింది.
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home