Varun Tej Remuneration: హీరో వరుణ్ తేజ్ రెమ్యునరేషన్ అన్ని కోట్లా?

April 5, 2022 / 11:43 PM IST

మెగా హీరోలలో ఒకరైన వరుణ్ తేజ్ భిన్నమైన కథలను ఎంచుకుంటూ హీరోగా కెరీర్ ను కొనసాగిస్తున్నారు. ఒకవైపు మాస్ కథలను ఎంచుకుంటూనే మరోవైపు క్లాస్ కథలకు కూడా గ్రీన్ సిగ్నల్ ఇస్తూ వరుణ్ తేజ్ హీరోగా సత్తా చాటుతున్నారని సమాచారం అందుతోంది. వరుణ్ నటించిన గని మరో మూడు రోజుల్లో రిలీజ్ కానుంది. ఒక వర్గం ప్రేక్షకుల్లో ఈ సినిమాపై భారీస్థాయిలో అంచనాలు ఏర్పడ్డాయని తెలుస్తోంది. వరుణ్ తేజ్ నటిస్తున్న ఎఫ్3 షూటింగ్ ఇప్పటికే పూర్తి కాగా వచ్చే నెలలో ఈ సినిమా రిలీజ్ కానుంది.

ఎఫ్2 సినిమాను మించిన ఫన్ తో ఈ సినిమా తెరకెక్కనుందని సమాచారం అందుతోంది. అయితే ప్రవీణ్ సత్తారు సినిమాకు సంబంధించి వరుణ్ తేజ్ తన రెమ్యునరేషన్ ను భారీగా పెంచేశారని ఇండస్ట్రీ వర్గాల్లో వినిపిస్తోంది. ప్రేమకథతో ఈ సినిమా తెరకెక్కనుండగా వరుణ్ కు ఈ సినిమా 12వ సినిమా కావడం గమనార్హం. జూన్ నెలలో ఈ సినిమా రెగ్యులర్ షూటింగ్ మొదలుకానుంది. ఈ సినిమా కోసం వరుణ్ తేజ్ 12 కోట్ల రూపాయల రెమ్యునరేషన్ తీసుకుంటున్నారని వరుణ్ కెరీర్ లోనే ఈ రెమ్యునరేషన్ హైయెస్ట్ అని సమాచారం అందుతోంది.

ప్రస్తుతం నాగార్జునతో ది ఘోస్ట్ సినిమాను తెరకెక్కిస్తున్న ప్రవీణ్ సత్తారు ఈ సినిమాతో కచ్చితంగా సక్సెస్ సాధిస్తానని కాన్ఫిడెన్స్ తో ఉన్నారు. ది ఘోస్ట్ మూవీ పూర్తైన వెంటనే ప్రవీణ్ సత్తారు వరుణ్ సినిమా పనులతో బిజీ కానున్నారు. 40 కోట్ల రూపాయల భారీ బడ్జెట్ తో ఈ సినిమా తెరకెక్కనుందని సమాచారం అందుతోంది. మరోవైపు వరుణ్ తేజ్ హీరోగా తెరకెక్కిన గని బాక్సింగ్ బ్యాక్ డ్రాప్ లో తెరకెక్కింది.

ట్రైలర్ పై పాజిటివ్ కామెంట్లు వినిపించడంతో ఈ సినిమాతో వరుణ్ తేజ్ కెరీర్ బిగ్గెస్ట్ హిట్ ను సొంతం చేసుకుంటారని ఫ్యాన్స్ భావిస్తున్నారు. గని సినిమా రూ.50 కోట్ల బడ్జెట్ తో తెరకెక్కగా ఈ సినిమాకు రికార్డు స్థాయిలో బిజినెస్ జరిగింది.