విక్టరీ వెంకటేష్ ప్రస్తుతం ‘బాబు బంగారం’ సినిమాలో నటిస్తున్నాడు. ఈ సినిమా మరో నాలుగు రోజుల్లో విడుదలకు సిద్ధంగా ఉంది. ఈ సినిమా తరువాత వెంకీ ‘నేను.. శైలజ’ ఫేమ్ కిషోర్ తిరుమల డైరెక్షన్ లో ఓ సినిమా చేయడానికి ప్లాన్ చేస్తున్నాడు. నిర్మాత రామ్మోహన్ రావు ఈ చిత్రాన్ని నిర్మిస్తున్నారు. ఈ సినిమా అక్టోబర్ నెల నుండి మొదలయ్యి ఓ రెండు నెలల్లో షూటింగ్ పూర్తి చేసుకొని ప్రేక్షకుల ముందుకు రానుంది.
అయితే తాజాగా ఓ ఇంటర్వ్యూలో వెంకటేష్ ఈ సినిమా టైటిల్ ను రివీల్ చేశారు. ఆడవాళ్ళలో వెంకీ బాబుకి మంచి ఫాలోయింగ్ ఉంది. అదే నేపధ్యంలో ఉండే ఈ సినిమాకు ‘ఆడవాళ్ళు మీకు జోహారులే’ అనే టైటిల్ ను ఫిక్స్ చేశారు. ఇదొక ఫ్యామిలీ ఎంటర్టైనింగ్ చిత్రంగా తెలుస్తోంది. ఈ సినిమాలో హీరోయిన్ ఎవరు, ఇతర విషయాలు తెలియాల్సివుంది.
