ఓ పాటందుకున్న గురు

స్టార్ హీరోలు సినిమాల్లో పాటలు పాడడం ఈ మధ్య కామన్ అయిపోయింది. మెగాస్టార్ చిరంజీవి మాస్టర్ సినిమాలో  గొంతు సవరించుకుంటే.. పవర్ స్టార్ పవన్ కళ్యాణ్ అత్తారింటికి  దారేదిలో అదరగొట్టారు. యంగ్ టైగర్ ఎన్టీఆర్ అయితే సింగర్ గా అవార్డులు అందుకున్నారు. కింగ్ నాగార్జున నిర్మలా కాన్వెంట్ మూవీలో సింగారు. ఇప్పుడు విక్టరీ వెంకటేష్ గాయకుడిగా మారారు. హిందీ, తమిళంలో బ్లాక్ బస్టర్ అయిన ‘సాలా ఖద్దూస్’ సినిమాను తెలుగులో ‘గురు’ పేరుతో రీమేక్ చేస్తున్నారు. ఇందులో వెంకటేష్ బాక్సింగ్ కోచ్ గా నటిస్తున్నారు.

ఈ మూవీ ఒరిజినల్ వెర్షన్ కి దర్శకత్వం వహించిన సుధా కొంగర తెలుగు వెర్షన్ ను తెరకెక్కిస్తున్నారు. మాతృకలో బాక్సింగ్ స్టూడెంట్ గా నటించిన రితికా సింగ్ ఈ సినిమాతో తెలుగులోనూ ఎంట్రీ ఇవ్వనుంది. సంగీత దర్శకుడు సంతోష్ నారాయణ్, దర్శకురాలు కోరడంతో వెంకటేష్ తొలి సారి మైక్ అందుకున్నారు. టీజర్ లో “జిగిడ జిగిడ” అనే మ్యూజిక్ బీట్ తో వచ్చే పాటను వెంకీ ఆలపించారని సమాచారం. వై నాట్ స్టూడియో బ్యానర్లో శశికాంత్ నిర్మిస్తున్న ఈ మూవీ వచ్చే ఏడాది జనవరిలో విడుదల కానుంది.

Also, do SUBSCRIBE to our YouTube channel to get latest Tollywood updates.