Vijay Devarakonda: ఆ విషయంలో విజయ్ దేవరకొండ మారక తప్పదా?

August 30, 2022 / 07:48 PM IST

విజయ్ దేవరకొండ సినీ కెరీర్ లో ఎన్నో సంచలన విజయాలు ఉన్నాయి. బ్యాగ్రౌండ్ లేకుండా సినిమా ఇండస్ట్రీలోకి వచ్చిన విజయ్ దేవరకొండ పెళ్లిచూపులు, అర్జున్ రెడ్డి, గీతా గోవిందం సినిమాలతో ఊహించని స్థాయిలో విజయాలను సొంతం చేసుకున్నారు. అయితే లైగర్ సినిమాతో విజయ్ దేవరకొండకు భారీ షాక్ తగిలింది. ఈ సినిమా నష్టాలు కూడా ఊహించని స్థాయిలో ఉన్నాయి. అయితే విజయ్ దేవరకొండ వినయంగా ఉంటే మాత్రమే ఇండస్ట్రీలో ఎదిగే ఛాన్స్ అయితే ఉంటుందని

అలా ఉండని పక్షంలో ఆయన కెరీర్ కు నష్టం తప్ప లాభం అయితే ఉండదని కామెంట్లు వ్యక్తమవుతున్నాయి. చాలామంది హీరోలు బ్యాగ్రౌండ్ ఉన్నా ఇండస్ట్రీ హిట్లను సొంతం చేసుకున్నా తమ కంటే అద్భుతంగా కొన్ని జానర్లలో నటించే హీరోలు లేకపోయినా తమే గొప్ప అని చెప్పుకోవడానికి అస్సలు ఇష్టపడరు. ఫ్యాన్స్ చిరాకు తెప్పించేలా వ్యవహరించినా కొందరు స్టార్ హీరోలు సైలెంట్ గా ఉండటానికి ఇష్టపడతారే తప్ప వాళ్లపై చిరాకు పడరు.

సినిమాలలోని పాత్రలు ప్రవర్తించిన విధంగా నిజ జీవితంలో హీరోలు ప్రవర్తిస్తే వాళ్లపై విమర్శలు వ్యక్తమయ్యే అవకాశాలు అయితే ఉంటాయనే సంగతి తెలిసిందే. సోషల్ మీడియాలో ట్రోల్స్ వచ్చే విధంగా ప్రవర్తించడం కూడా హీరోల కెరీర్ కు ఏ మాత్రం మంచిది కాదనే సంగతి తెలిసిందే. పబ్లిక్ లో సొంత డబ్బా కొట్టుకోవడానికి ప్రాధాన్యతనివ్వడం కూడా కరెక్ట్ కాదు. విజయ్ దేవరకొండ ఈ విషయంలో మారాల్సి ఉంది.

ఇతర హీరోల గురించి పరోక్షంగా కూడా నెగిటివ్ కామెంట్లు చేయడం హీరోల కెరీర్ కు మైనస్ అవుతుందే తప్ప ప్లస్ కాదు. విజయ్ దేవరకొండ తర్వాత ప్రాజెక్ట్ ఖుషి సినిమాపై మంచి అంచనాలు నెలకొన్నాయి. శివ నిర్వాణ డైరెక్షన్ లో ఈ సినిమా తెరకెక్కుతుండగా సమంత ఈ సినిమాలో హీరోయిన్ గా నటించారు. ఖుషి సినిమా మైత్రీ మూవీ మేకర్స్ బ్యానర్ పై భారీ బడ్జెట్ తో తెరకెక్కుతోంది.