విజయ్ దేవరకొండ నటించిన వరల్డ్ ఫేమస్ లవర్ ఘోర పరాజయం పాలైంది. కనీస వసూళ్లను కూడా రాబట్టుకోలేకపోయిన ఆ చిత్రం భారీ నష్టాలను మిగిల్చింది. దర్శకుడు క్రాంతి మాధవ్ ఈ పరాజయం తరువాత అవకాశాలు దక్కించుకోవడం కష్టంగా కనిపిస్తుంది. ఐతే ఈ మూవీ పరాజయంతో హీరోయిన్స్ గా నటించిన రాశి ఖన్నా, ఐశ్వర్య రాజేష్, క్యాథెరిన్, ఇసబెల్లా పెద్ద రిస్క్ చేసినట్లయింది. ముఖ్యంగా ఇప్పుడిప్పుడే తెలుగులో ఎదుగుతున్న ఐశ్వర్యా రాజేష్ కి ఈ సినిమా ఫలితం పెద్ద దెబ్బే వేసింది. ఐతే ఆమె పాత్రకు మంచి పేరు రావడం ఉపశమనం కలిగించే అంశం.
ఈ నలుగురిలో ఎక్కువగా నష్టపోయింది రాశి ఖన్నా నే. జై లవ కుశ సినిమాలో అనూహ్యంగా ఎన్టీఆర్ పక్కన నటించే అవకాశం దక్కించుకున్న రాశికి మరో స్టార్ హీరో పక్కన నటించే అవకాశం దక్కలేదు. ఆ సినిమా తరువాత తొలిప్రేమ సినిమాతో మంచి విజయం తన ఖాతాలో వేసుకుంది. ఇక గత ఏడాది వెంకీ మామ, ప్రతిరోజూ పండుగే చిత్రాలతో బ్యాక్ టు బ్యాక్ హిట్స్ అందుకుని ఫార్మ్ లోకి వచ్చింది. ఈ నేపథ్యంలో వరల్డ్ ఫేమస్ లవర్ ప్లాప్ ఆమె కెరీర్ కి పెద్ద దెబ్బే వేసింది. ఇప్పుడిప్పుడే గాడిన పడుతున్న సమయంలో బోల్డ్ రోల్ చేసి మరింత రిస్క్ చేసింది. ఇక తెలుగులో రాశి అవకాశాలు దక్కించుకోవడం గగనమే. స్టార్ హీరో సరసన అనేది జరగని పని.
Most Recommended Video
‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!
