పెద్ద హీరో సినిమా విడుదలవుతుందంటే ఫ్యాన్స్ చేసే హడావిడి మాములుగా ఉండదు. థియేటర్ల ముందు భారీ కటౌట్లు ఏర్పాటు చేసి రాసిచ్ చేస్తుంటారు. ఫస్ట్ డే ఫస్ట్ షో చూడడానికి థియేటర్ల ముందు క్యూ కడుతుంటారు. సినిమాకి హిట్ టాక్ వస్తే.. తమ అభిమాన హీరోకి పాలాభిషేకాలు చేస్తూ తమ ప్రేమను కురిపిస్తుంటారు. అదే నెగెటివ్ టాక్ వస్తే గనుక పోస్టర్లు చించుతూ, విమర్శిస్తూ తెగ బాధపడిపోతుంటారు. అయితే స్టార్ హీరో విజయ్ ఫ్యాన్స్ మాత్రం ఏకంగా స్క్రీన్ కి నిప్పటించారు.
కోలీవుడ్ స్టార్ విజయ్, పూజాహెగ్డే జంటగా నటించిన ‘బీస్ట్’ సినిమా ఈరోజే ప్రేక్షకుల ముందుకు వచ్చింది. నెల్సన్ దిలీప్ కుమార్ డైరెక్ట్ చేసిన ఈ సినిమా భారీ అంచనాల మధ్య ప్రేక్షకుల ముందుకు వచ్చింది. అయితే ఈ సినిమాకి మొదటి షో నుంచే నెగెటివ్ టాక్ మొదలైంది. సినిమా బాలేదని మండిపడుతున్నారు అభిమానులు, ఎన్నో ఆశలతో థియేటర్ కు వెళితే చివరికి నిరాశతో వెనుదిరిగి రావాల్సి వస్తోందంటూ కామెంట్స్ చేస్తున్నారు.
ఈ క్రమంలో తమిళనాడులోని థియేటర్ లో సినిమా చూస్తున్న కొందరు ఫ్యాన్స్ కు ‘బీస్ట్’ సినిమా నచ్చకపోవడంతో స్క్రీన్ కి నిప్పంటించారు. దీనికి సంబంధించిన వీడియో సోషల్ మీడియాలో వైరల్ గా మారింది. సినిమా నచ్చలేదని.. మరీ ఇంత దారుణంగా ప్రవర్తిస్తారా..? అంటూ కొందరు నెటిజన్లు ఫైర్ అవుతున్నారు. సినిమా రిలీజ్ కి ముందే విజయ్ అండ్ టీమ్ అభిమానులను ఉద్దేశిస్తూ ఓ ప్రకటన విడుదల చేసింది.
అవాంఛనీయ చర్యలకు పాల్పడిన వారిపై చర్యలు తీసుకుంటామని అన్నారు. రూల్స్ ను అతిక్రమించే విధంగా ఎవరైనా వ్యవహరిస్తే చట్టపరంగా చర్యలు తప్పవని హెచ్చరించారు. మరి ఇప్పుడు థియేటర్ ను తగలబెట్టడంపై విజయ్ అండ్ కో ఎలా స్పందిస్తుందో చూడాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
