టాలీవుడ్ యంగ్ హీరోలలో సందీప్ కిషన్ ఒకరనే సంగతి తెలిసిందే. విభిన్నమైన కథలను ఎంచుకుంటూ జయాపజయాలకు అతీతంగా సందీప్ కిషన్ తన సినీ కెరీర్ ను కొనసాగిస్తున్నారు. త్వరలో సందీప్ కిషన్ నటించిన గల్లీ రౌడీ మూవీ రిలీజ్ కానుంది. అయితే సందీప్ కిషన్ తరువాత మూవీలో విజయ్ సేతుపతి కీలక పాత్రలో నటిస్తున్నారు. మేకర్స్ నుంచి ఈ మేరకు అధికారిక ప్రకటన వెలువడింది. సందీప్ కిషన్ 29వ సినిమాగా ఈ సినిమా తెరకెక్కనుండగా ఈ సినిమాకు మైఖేల్ అనే టైటిల్ ఫిక్సైంది.
రంజిత్ జేయకొడి ఈ సినిమాకు దర్శకత్వం వహిస్తున్నారు. ఈ సినిమా తెలుగు, హిందీ, తమిళ భాషలతో పాటు కన్నడ, మలయాళ భాషలలో తెరకెక్కుతోంది. అయితే కొన్నిరోజుల క్రితం విజయ్ సేతుపతి బాలకృష్ణ గోపీచంద్ మలినేని కాంబినేషన్ మూవీకి నో చెప్పారని వార్తలు ప్రచారంలోకి వచ్చాయి. బాలయ్య సినిమాకు నో చెప్పిన విజయ్ సేతుపతి సందీప్ కిషన్ సినిమాకు ఓకే చెప్పారా..? అనే ప్రశ్నలు వినిపిస్తున్నాయి. విజయ్ సేతుపతి మైఖేల్ సినిమాలో స్పెషల్ యాక్షన్ రోల్ లో నటించనున్నారని తెలుస్తోంది.
విజయ్ సేతుపతి తెలుగుతో పాటు ఇతర భాషల్లో వరుస సినిమా ఆఫర్లతో బిజీగా ఉండటం గమనార్హం. విజయ్ సేతుపతి నటిస్తూ ఉండటంతో ఈ సినిమాకు రికార్డు స్థాయిలో బిజినెస్ జరిగే అవకాశాలు ఉన్నాయి. పుష్కర్ రామ్ మోహన్ రావు, భరత్ చౌదరి ఈ పాన్ ఇండియా సినిమాను నిర్మిస్తూ ఉండటం గమనార్హం.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
