రికార్డ్ ధరకు అమ్ముడుపోయిన సర్కార్ థియేట్రికల్ రైట్స్

ఇల‌య‌ద‌ళ‌ప‌తి విజ‌య్‌కి త‌మిళంలో వీరాభిమానులున్నారు. తుపాకీ, అదిరింది సినిమాలతో తెలుగులోనూ అభిమానులను సొంతం చేసుకుంటున్నారు. అందుకే స్టార్‌ డైరెక్ట‌ర్ మురుగ‌దాస్ ద‌ర్శ‌క‌త్వంలో విజ‌య్ త‌న 62వ సినిమాగా స‌ర్కార్‌ చేశారు. పొలిటికల్ నేపథ్యంలో సాగే ఈ మూవీ టీజర్ సంచలనం సృష్టించింది. ఈ టీజ‌ర్ కేవ‌లం పదినిముషాల్లో మిలియ‌న్‌కి పైగా వ్యూస్ సాధించి అంద‌రిని ఆశ్చ‌ర్యానికి గురి చేసింది. ఇరవైనిముషాల్లో 2 మిలియన్, 35 నిముషాల్లో మూడు మిలియన్ వ్యూస్ సాధించి ఔరా అనిపించింది. ఒక్కరోజు కూడా పూర్తికాకముందే 12 మిలియన్ ప్లస్ వ్యూస్ సాధించిన ఈ టీజర్ యూట్యూబ్ రికార్డులను తిరగరాస్తోంది. ఇప్పుడు బాహుబలి రికార్డ్ ని సైతం తిరగరాసింది. తమిళనాడు లో ఈచిత్రం 83కోట్లకు అమ్ముడై రికార్డు నెలకొల్పింది.

ఈ మొత్తం తమిళ నాడు లో ‘బాహుబలి 2’ ఫుల్ రన్ లో కలెక్ట్ చేసిన షేర్ కంటే ఎక్కువ కావడం విశేషం. సన్ పిక్చ‌ర్స్ నిర్మించ‌నున్న ఈ చిత్రానికి గిరీష్ గంగాధ‌న్ సినిమాటోగ్రాఫ‌ర్‌గా ప‌నిచేయ‌నుండ‌గా, శ్రీక‌ర్ ప్ర‌సాద్ ఎడిట‌ర్‌గా, టీ సంతానం ఆర్ట్ డైరెక్ట‌ర్‌గా పని చేస్తున్నారు. కీర్తి సురేష్ హీరోయిన్ గా నటించిన ఈ మూవీకి ఏఆర్ రెహ‌మాన్ సంగీతం అందిస్తున్నారు. దీపావ‌ళి కానుక‌గా న‌వంబ‌ర్‌ 6న‌ ఈ చిత్రం తెలుగు, త‌మిళ భాష‌ల‌లో విడుద‌ల కానుంది. కలక్షన్స్ పరంగా ఇంకెన్ని రికార్డ్స్ ని నెలకొల్పుతుందో చూడాలి.