Bigg Boss 5 Telugu: విశ్వ తన బాబు స్కూల్ ఫీజు కోసం ఏం చేశాడో తెలుసా..?

September 21, 2021 / 11:42 AM IST

బిగ్ బాస్ హౌస్ లో నామినేషన్స్ రోజు మంచి సీన్స్ జరిగాయి. ఫస్ట్ హమీదా అండ్ శ్రీరామ్ ఇద్దరూ మాట్లాడుకున్నారు. ఆతర్వాత రవి అండ్ ప్రియ బెడ్ దగ్గర లహరి విషయంపై మాట్లాడారు. ఆరాలు తీస్తూ అన్నింటిని అడిగి తెలుసుకుంది ప్రియ. అటుపైన మటన్ బిర్యానీలో తలమునకలు అయ్యారు హౌస్ మేట్స్ లో కొందరు. ఇక్కడే విశ్వ షణ్ముక్ దగ్గరకి వచ్చి తను ఎలా బిగ్ బాస్ హౌస్ కి వచ్చాడో చెప్పాడు.

లాక్డౌన్ లో చాలా కష్టాలు పడ్డానని, నా పిల్లాడికి స్కూల్ ఫీజ్ కూడా కట్టలేకపోయాను అని అన్నాడు. భార్యకి అలాగే పిల్లలకి ఏమైనా కొందామంటే నా దగ్గర అస్సలు డబ్బులు లేవని , నాలుగు ఐదు నెలలు ఇంటి రెంట్ కూడా కట్టలేకపోయానని అప్పటి రోజుల్ని గుర్తు చేసుకుని ఏడ్చాడు. కొడుకుని స్కూల్లో జాయిన్ చేయించడానికి వెళ్తే, 30వేలు తగ్గాయని చెప్పి చేర్పించుకోలేదని అన్నాడు. నేను ఆర్టిస్ట్ ని అని చెప్పి వేడుకున్నా, బతిమిలాడినా ప్రయోజనం లేకుండా పోయిందని చెప్పాడు.

పిల్లాడికి సీట్ మాత్రం ఇవ్వలేదంటూ చెప్పుకొచ్చాడు.లాక్డౌన్ లో సినిమా కష్టాలు చాలా ఉన్నాయని, అందులో నేను అనుభవించినవి ఎన్నో ఉన్నాయని విశ్వ చెప్తుంటే షణ్ముక్ తనవంతూ ఓదార్చే ప్రయత్నం చేశాడు. దీని తర్వాత షణ్ముక్ హౌస్ లో నిద్రపోతుంటే కుక్కలు మొరిగాయి. ఇంటి కెప్టెన్‌ అయిన విశ్వ అతడికి కఠిన శిక్ష విధించాడు. స్విమ్మింగ్‌ పూల్‌లో 21 సార్లు దూకాలని చెప్పడంతో షణ్ముక్ చేసేదేమి లేక శిక్షను పూర్తిచేశాడు.