దేవి నాగవల్లితో జరిగిన మాటల యుద్ధం పై హీరో విశ్వక్ సేన్ తన సినిమా ‘అశోకవనంలో అర్జున కళ్యాణం’ ప్రీ రిలీజ్ ఈవెంట్ లో స్పందించాడు. ఈ క్రమంలో ఆ ఇన్సిడెంట్ పైనే కాకుండా తన సినీ జర్నీ గురించి కూడా ఆసక్తికరమైన విషయాలు చెప్పుకొచ్చాడు. ఆయన మాట్లాడుతూ.. “నేనెప్పుడూ చెప్పలేదు నా జర్నీ గురించి.. ‘నేను అంత కష్ట పడ్డాను ఇంత కష్టపడ్డాను అని ఎప్పుడూ చెప్పలేదు. కానీ ఈరోజు చెప్పాలనిపిస్తుంది. బేసిక్ గా నా జర్నీలో కూడా కష్టాలున్నాయండీ.
ఎవరి ఫ్యామిలీలో అయినా సినిమా హీరో అవుతాను అంటే సడెన్ గా షాక్ అవుతారు. కానీ మా అమ్మ నాకు సపోర్ట్ గా నిలిచింది. ఆ తర్వాత మా నాన్నగారు కూడా. ఆవిడ ఓ హిట్టు సినిమా చూస్తే నీ సినిమా ఎప్పుడు అని అంటుండేది. అది కూడా నేను షార్ట్ ఫిలిమ్స్ చేస్తున్న రోజుల్లో. మా అమ్మ నన్ను అంత నమ్మింది. అమ్మ.. ఐ లవ్ యు. ఎంతో కష్టపడి ఫిలిం ట్రైనింగ్ చేసి, డ్యాన్సులు నేర్చుకుని ఆఫీసులు చుట్టూ తిరిగి, చివరికి రూ.12 లక్షలు పెట్టి ‘వెళ్ళిపోమాకే’ అనే సినిమా తీయడం జరిగింది.
అది ఎందుకు తీశామో తెలీదు. దాన్ని ఓ నిర్మాత తీసుకోవడం… థియేటర్లో విడుదల చేయడం అదే మాకు పెద్ద సక్సెస్ సాధించిన ఫీలింగ్ ఇచ్చింది.తర్వాత వీడ్ని నేను ఎందుకు పెట్టి తీయాలి అని అనుకోకుండా దర్శకుడు తరుణ్ భాస్కర్ నాతో సినిమా తీసాడు. అందుకు నేను అతనికి ఎప్పటికీ కృతజ్ఞుడనై ఉంటాను. నాకే వేల్యూ లేనప్పుడు నాతో ‘ఈ నగరానికి ఏమైంది’ అనే సినిమా తీశాడు. ఆ తర్వాత నేను ‘ఫలక్ నుమా దాస్’ సినిమా తీసుకున్నా. దానికి మీరందరూ ఇచ్చిన రెస్పాన్స్ మీడియా మీ ముందుకు తీసుకొచ్చిన విధానం నన్ను షాక్ కు గురి చేశాయి.
నిజంగా ఓ సినిమా మీకు నచ్చితే అంతలా ఆదరించి గుండెల్లో పెట్టుకుంటారా అనే నమ్మకం ఇచ్చిన మూవీ అది. అలా సాగిపోతున్న జర్నీ ఇంకేముంటాయి రా ప్రాబ్లమ్స్ అనుకున్నా. కానీ చిన్న చిన్న సమస్యలు వస్తుంటాయి. నాకు తెలిసి ఎదుగుదల అంటే సమస్య వచ్చినప్పుడు వెళ్లి ఇంట్లో కూర్చోవడం కాదు. సమస్య ఎక్కడ ఉన్నా దాన్ని తన్ని ఖమ్మం వచ్చి స్మైల్ వేసి పెట్టుకుని మాట్లాడటం. సో నేనెప్పుడూ నాకేదో జరిగింది.. నన్నెవడో అన్నాడు అని నేనెప్పుడూ బాధపడలేదు.
నేను బాధపడిందల్లా.. అర్ నాకు కూడా ఫ్యామిలీ ఉంది కదా..ఇంట్లో నాకు కూడా అమ్మ, నాన్న, అక్క ఉంటారు. నా ఫ్యామిలీ కూడా బాధపడుతుంది.. అనే ఆలోచన లేకుండా ఏవో జరుగుతుంటాయి. కానీ నేను ఒక్కరికి సమాధానం చెప్పుకోవాలి.అమ్మా… నీ కొడుక్కి ఏమీ కాదు.. ఎవ్వడు ఏమీ పీకలేదు. అమ్మాయిలకి రెస్పెక్ట్ ఇవ్వడం రాదు అంటున్నారు.. నాకు రెస్పెక్ట్ ఇవ్వడం రాకపోతే నిన్న నోరు మూసుకుని రాకపోతుండె. నీ కొడుక్కి నువ్వు నేర్పించిన సంస్కారం అందరికీ తెలుసు అందరూ చూశారు.
అవును నాకు బ్యాక్ గ్రౌండ్ లేదు.ఇంత పెద్ద ఇండస్ట్రీలో నలుగురు కలిసి కొడితే పడిపోతానేమో.. కానీ ఆ నలుగురు నన్ను కొట్టాలి అంటే నాకు పెద్ద షెల్ ఉంది అది మీరు. నిన్న రాత్రి నుండీ ట్విట్టర్, ఇన్స్టాగ్రామ్ లో నాకు సపోర్ట్ చేస్తున్న జనాలను చూస్తుంటే ఇది రా నా ఆస్తి అని నాకు అనిపించింది. ఏంట్రా నీ పొగరు అంటే.. హ్యాష్ ట్యాగ్ విశ్వక్ సేన్ కొట్టి చూడండి.. చెప్తా. కాబట్టి మీ అందరికీ థాంక్స్..
నేను నిజంగా చెప్తున్నా ‘నా ప్లేస్ లో వీక్ హార్టెడ్ పర్సన్ ఉంటే ఏమైనా చేసుకోవచ్చు.. కానీ నాకు ఆ ధైర్యం ఇచ్చింది మీరు. నేను చెప్పుకునేది ఒకటే రా.. ఐ లవ్ యు గయ్స్.. నాకు మీరు తప్ప ఎవ్వరూ లేర్రా” అంటూ మోకాళ్ళ పై పడి ఎమోషనల్ కామెంట్స్ చేశాడు విశ్వక్ సేన్.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home