మెగాస్టార్ చిరంజీవి వీరాభిమానులు, తెలుగు ప్రేక్షకులు ఎంతో ఆసక్తిగా ఎదురు చూస్తున్న సమయం రానే వచ్చేసింది.. చాలా కాలం తర్వాత చిరు కంప్లీట్ మాస్ క్యారెక్టర్‌లో కనిపించనున్న యాక్షన్ ఎంటర్‌టైనర్ ‘వాల్తేరు వీరయ్య’ థియేట్రికల్ ట్రైలర్ వచ్చేసింది.. శృతి హాసన్ కథానాయిక కాగా.. కేథరిన్ ట్రెసా కీలక పాత్రలో కనిపించనుంది.. ‘మాస్ మహారాజా’ రవితేజ ఏసీపీ విక్రమ్ సాగర్ అనే పవర్ ఫుల్ పోలీస్ క్యారెక్టర్‌ చేశారు.. కె.ఎస్.రవీంద్ర (బాబీ కొల్లి) దర్శకత్వంలో, మైత్రీ మూవీ మేకర్స్ సంస్థ భారీ బడ్జెట్‌తో ప్రెస్టీజియస్‌గా తెరకెక్కిస్తున్న ఈ చిత్రానికి రాక్ స్టార్ దేవి శ్రీ ప్రసాద్ సంగీతమందిస్తున్నాడు..
ఇప్పటి వరకు విడుదల చేసిన టీజర్, సాంగ్స్ మంచి రెస్పాన్స్ దక్కించుకున్నాయి.. శనివారం ప్రేక్షకాభిమానులు ఆసక్తిగా ఎదురు చూస్తున్న ‘వాల్తేరు వీరయ్య’ థియేట్రికల్ ట్రైలర్ రిలీజ్ చేశారు.. ట్రైలర్ విషయానికొస్తే.. మెగాస్టార్ మాస్ స్వాగ్, కామెడీ టైమింగ్ అండ్ మేనరిజమ్స్ గురించి కొత్తగా చెప్పక్కర్లేదు.. ‘వీరయ్య’ని చూస్తుంటే ‘రౌడీ అల్లుడు’ లో చిరుని చూస్తున్నట్టు అనిపిస్తుంది.. క్లుప్తంగా కథ చెప్పే ప్రయత్నంతో పాటు.. ‘ మీ కథలోకి నేను రాలే..
నా కథలోకి మీరందరొచ్చారు’ అనే డైలాగుతో అంచనాలు పెంచేశారు.. చిరు, శృతిల కెమిస్ట్రీ, డైలాగ్స్, విజువల్స్ హైలెట్ అయ్యాయి.. ఇక ట్రైలర్ చివర్లో.. రవితేజ ‘హలో మాస్టారూ.. ఫేస్ కొంచెం లెఫ్ట్ టర్నింగ్ ఇచ్చుకోండి’ అంటే.. చిరు.. ‘ ఈ సిటీకి నీలాంటి కమీషనర్లు వస్తుంటారు.. పోతుంటారు.. కానీ ఇక్కడ వీరయ్య.. లోకల్’ అంటూ ఒకరి డైలాగ్ మరొకరు చెప్పడం అదిరిపోయింది..
సినిమా పక్కా హిట్ అనిపించేలా ఉంది ట్రైలర్.. ప్రకాష్ రాజ్, బాాబీ సింహా, నాజర్, సత్యరాజ్, రాజేంద్ర ప్రసాద్ తదితరులు కీలకపాత్రల్లో కనిపించనున్నారు.. సంక్రాంతి కానుకగా జనవరి 13న ‘వాల్తేరు వీరయ్య’ భారీ స్థాయిలో విడుదల కానుంది.. ‘ఖైదీ నెం:150’ తర్వాత సంక్రాంతి సీజన్‌లో వస్తోన్న మెగాస్టార్ సినిమా ఇదే కావడంతో భారీ అంచనాలు నెలకొన్నాయి..
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
