అంతరిక్షం కోసం క్రిష్ తో గొడవపడ్డ సంకల్ప్ రెడ్డి!

ఒక సినిమా చేస్తున్నప్పుడు దర్శకనిర్మాతలు లేదా హీరో-డైరెక్టర్ నడుమ క్రియేటివ్ డిఫరెన్సెస్ లేదా ఆ తరహా గొడవలు జరగడం అనేది సర్వసాధారణం. ఆ తరహాలోనే ఇటీవల “అంతరిక్షం” డైరెక్టర్ సంకల్ప్ రెడ్డికి, నిర్మాతల్లో ఒకరైన క్రిష్ కి గొడవ జరిగిందట. ఈ విషయం నిన్న వెలుగులోకి వచ్చింది. క్రిష్ దర్శకత్వం వహించిన “శాతకర్ణి” చిత్రంతో ఎంతటి ఘన విజయం సొంతం చేసుకున్నప్పటికీ.. ఆ సినిమా గ్రాఫిక్స్ మరియు సీజీ వర్క్ విషయంలో మాత్రం చాలా నెగిటివ్ ఫీడ్ బ్యాక్ వచ్చింది. అయితే… క్రిష్ మాత్రం అవేమీ పెద్దగా పట్టించుకోకుండా “అంతరిక్షం” విషయంలో కూడా అదే ఫార్మాట్ ను ఫాలో అవుదామనుకున్నాడట.

కానీ.. కంటెంట్ కి ఎక్కువ వేల్యూ ఇచ్చే సంకల్ప్ రెడ్డి మాత్రం అందుకు అంగీకరించలేదట. ఈ విషయమై క్రిష్ మరియు సంకల్ప్ రెడ్డికి మధ్య చిన్న చిన్న గొడవలయ్యాయట. ఆల్మోస్ట్ సంకల్ప్ రెడ్డి ప్రొజెక్ట్ నుంచి వెళ్లిపోతానని బెదిరించే స్థాయిలో రచ్చ జరగడంతో.. క్రిష్ బడ్జెట్ పెంచి వి.ఎఫ్.ఎక్స్ వర్క్ కోసం సపరేట్ టీం ను ఇచ్చాడట. ఇప్పుడు ఆ ఫైనల్ అవుట్ పుట్ “అంతరిక్షం” ట్రైలర్ లో కనబడింది. సో, అవుట్ పూట్ చూసిన క్రిష్ కూడా అప్పట్లో సంకల్ప్ తనతో గొడవపడిన విషయాన్ని మర్చిపోయే ఉంటాడు.