ఎన్ని సినిమాలు చేసినా, అవి ఎంత మంచి కథలు అయినా కాలం కలసి రాని హీరోల్లో అఖిల్‌ ఒకరు. తన ప్రయత్నం తాను సిన్సియర్‌గా చేస్తూ ఉన్నాడు. ఆ విషయం పక్కనపెడితే… ఇప్పుడు ఆయన టాక్‌ ఆఫ్‌ ది సోషల్‌ మీడియాగా మారాడు. ఓ వీడియోలో కేవలం ఒక్కటంటే ఒక్క ఫ్రేమ్‌లో కనిపించిన అఖిల్‌ గురించి ఇప్పుడు సోషల్‌ మీడియా మొత్తం మాట్లాడుకుంటోంది. దానికి రెండు కారణాలు ఉన్నాయి. ఒకటి అది ఆయన సినిమా కాదు, రెండోది చేతికి కట్టు.
ప్రభాస్‌ – ప్రశాంత్‌ నీల్‌ – పృథ్వీరాజ్‌ సుకుమారన్‌ కాంబినేషన్‌లో రూపొందిన చిత్రం ‘సలార్‌’. గతేడాది డిసెంబరు 22న విడుదలైన ఈ సినిమా వందల కోట్ల రూపాయల వసూళ్లతో అదిరిపోయింది. ఇటీవల ఈ సినిమా సక్సెస్‌ సెలబ్రేషన్‌ ఘనంగా జరిగింది. సినిమా టీమ్‌ మొత్తం కలసి లావిష్‌ ఏరియాలో సెలబ్రేషన్‌ జరుపుకున్నారు. అయితే ఆ సెలబ్రేషన్‌లో అఖిల్‌ కనిపించాడు. ఈ సినిమాతో అఖిల్‌కు ఏ మాత్రం సంబంధం లేదు. ఇప్పటివరకు ఈ మేరకు పుకారు కూడా రాలేదు.
ఈ నేపథ్యంలో అఖిల్‌ ఎందుకొచ్చాడు, ఏం చేశాడు అని చర్చలు జరుగుతున్నాయి. అయితే ఇక్కడే మరో విషయం కూడా చర్చలోకి వచ్చింది. అదే అతని చేతికి ఉన్న పెద్ద కట్టు. ఎడమచేతికి పెద్ద తెలుపు రంగు పట్టీతో కనిపించాడు ఆ వీడియోలో. ఒక్క ఫ్రేమ్‌లోనే చూపించడం వల్ల అసలు విషయం తెలియడం లేదు. మరోసారి చూపించి ఉంటే తెలిసేదేమో. ఆ విషయం అతని టీమ్‌ చెప్పొచ్చు. అయితే ఇక్కడ ఇంకో విషయం ఉంది.
‘సలార్‌ 2’లో ఏమన్నా అఖిల్‌ నటిస్తున్నాడా? ఎందుకంటే టీమ్‌ మాత్రమే వచ్చిన ఈ కార్యక్రమానికి (Akhil) అఖిల్‌ కూడా ఆ హోదాలోనే వచ్చాడనేది ఓ డౌట్‌. ఆ సినిమా షూటింగ్‌ ఎప్పుడు ప్రారంభం అనేది ఇంతవరకు చెప్పలేదు. త్వరలోనే ఉండొచ్చు అంటున్నారు. ప్రభాస్‌ ఇప్పుడు ‘రాజా సాబ్‌’, ‘కల్కి’ సినిమాలు చేస్తున్నాడు. ఈ రెండు షూటింగ్‌లు పూర్తయ్యాక ‘సలార్‌ 2’ ప్రారంభమవుతుంది అంటున్నారు. మరోవైపు ‘స్పిరిట్‌’ కూడా లైనప్‌లో ఉంది.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
Home