టాలీవుడ్ లో ఉన్న హీరోల్లో అడివి శేష్ కి ప్రత్యేకమైన ఇమేజ్ ఉంది. డిఫరెంట్ మూవీస్ తో ప్రేక్షకులను అలరిస్తుంటారు ఈ హీరో. ఇటీవల ‘మేజర్’ సినిమాతో భారీ విజయాన్ని తన ఖాతాలో వేసుకున్నారు శేష్. తెలుగుతో పాటు ఇతర భాషల్లో కూడా సినిమా బాగా ఆడింది. ఇప్పుడు ‘హిట్2’ సినిమాతో ప్రేక్షకుల ముందుకొస్తున్నారు. ఈ సక్సెస్ అడివి శేష్ కి చాలా ముఖ్యం. ‘క్షణం’, ‘గూఢచారి’, ‘మేజర్’ ఇలా సక్సెస్ ఫుల్ సినిమాలతో ఓ స్ట్రాంగ్ బ్రిడ్జ్ నిర్మించుకున్నారు అడివి శేష్.
ఈ సినిమాలన్నిటికీ అడివి శేష్ రైటర్ గా కూడా పని చేశారు. స్క్రీన్ ప్లే రైటర్ గా ఆయన టాలెంట్ ఏంటో నిరూపించారు. ‘హిట్2’ సినిమాకి మాత్రం కేవలం హీరోగానే పని చేశారు. ఈ ప్రాజెక్ట్ లోకి శేష్ ఎంటర్ అవ్వడానికి ముందుగానే ‘హిట్2’ స్క్రిప్ట్ లాక్ అయింది. ఆల్రెడీ సక్సెస్ అయిన సినిమాకి సీక్వెల్ కావడంతో శేష్ కూడా దర్శకుడు చెప్పినట్లుగా నడుచుకున్నారు. పైగా నిర్మాత నాని కావడంతో.. ఆయన జడ్జిమెంట్ ని బాగా నమ్మారు.
ఇటీవల విడుదలైన టీజర్ కి మంచి రెస్పాన్స్ వచ్చింది. త్వరలోనే సినిమా ట్రైలర్ కూడా రాబోతుంది. ‘హిట్’ సినిమాతో విశ్వక్ సేన్ కి భారీ విజయం దక్కింది. ఇప్పుడు అడివి శేష్ టైం వచ్చింది. ఈ క్రైమ్ థ్రిల్లర్ తో శేష్ ఎలాంటి హిట్ కొడతారా..? అని ప్రేక్షకులు ఆసక్తిగా ఎదురుచూస్తున్నారు. ఇది సీక్వెల్ అయినప్పటికీ.. ‘హిట్’ కథకి కొనసాగింపు మాత్రం కాదు. మరో మర్డర్ కేసుతో సెకండ్ కేస్ గా ‘హిట్2’ వస్తుందని ఇప్పటికే వెల్లడించారు.
ఈ సినిమాలో హీరో కామ్ అండ్ కంపోజ్డ్ గా ఉంటారు. ఈ సెకండ్ కేస్ తో మరో హిట్ కొట్టాలని చూస్తున్నారు దర్శకుడు శైలేష్. ‘హిట్’ సినిమాను హిందీలో రీమేక్ చేశారు శైలేష్. తెలుగులో సక్సెస్ అయినంత హిందీలో వర్కవుట్ అవ్వలేదు. అందుకే ‘హిట్2’తో మరోసారి తన టాలెంట్ నిరూపించుకోవాలనుకుంటున్నారు. మరేం జరుగుతుందో చూడాలి!
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
