పవర్ స్టార్ పవన్ కళ్యాణ్ కు ప్రేక్షకుల్లో ఉన్న క్రేజ్, ఫ్యాన్ ఫాలోయింగ్ అంతాఇంతా కాదు. పవన్ కళ్యాణ్ రీఎంట్రీలో వరుసగా సినిమాలలో నటిస్తుండగా ఆ సినిమాలలో కొన్ని సినిమాలు బాక్సాఫీస్ వద్ద బ్లాక్ బస్టర్ హిట్ గా నిలుస్తుంటే మరికొన్ని సినిమాలు ఆశించిన స్థాయిలో ఫలితాలను సొంతం చేసుకోవడం లేదు. పవన్ ప్రస్తుతం ఓజీ, ఉస్తాద్ భగత్ సింగ్, హరిహర వీరమల్లు సినిమాలలో నటిస్తున్నారు. ఈ మూడు సినిమాలు భిన్నమైన కథాంశాలతో తెరకెక్కుతున్నాయి.
ఈ మూడు సినిమాలలో ఉస్తాద్ భగత్ సింగ్ తేరి సినిమా రీమేక్ అయినా కేవలం 10 శాతం మాత్రమే ఆ సినిమా నుంచి తీసుకున్నారని 90 శాతం కొత్త కథ, కథనాలతో ఈ సినిమా తెరకెక్కుతోందని సమాచారం అందుతోంది. పవన్ కళ్యాణ్ 2024 ఎన్నికల సమయానికి ఈ మూడు సినిమాలను పూర్తి చేయనున్నారని ఇండస్ట్రీ వర్గాల్లో వినిపిస్తోంది. ప్రస్తుతం పొలిటికల్ కార్యక్రమాలతో బిజీగా ఉన్న పవన్ కళ్యాణ్ త్వరలో సినిమాల షూటింగ్ లతో మళ్లీ బిజీ కానున్నారు.
సినిమా సినిమాకు పవన్ కళ్యాణ్ (Pawan Kalyan) రేంజ్ పెరగనుండగా పవన్ సినిమాలలో కొన్ని సినిమాలు పాన్ ఇండియా రేంజ్ లో రిలీజ్ కానున్నాయి. భవిష్యత్తు సినిమాలతో పవన్ బాక్సాఫీస్ ను షేక్ చేయడం ఖాయమని అభిప్రాయాలు వ్యక్తమవుతున్నాయి. పవన్ పారితోషికం రోజుకు 3 కోట్ల రూపాయల రేంజ్ లో ఉంది. రీఎంట్రీలో పవన్ నటించిన సినిమాలలో మెజారిటీ సినిమాలు సక్సెస్ సాధించిన నేపథ్యంలో పవన్ కు కెరీర్ పరంగా అనుకూలంగా జరగాలని ఫ్యాన్స్ సైతం కోరుకుంటున్నారు.
క్రేజ్ ఉన్న స్టార్ డైరెక్టర్ల డైరెక్షన్ లో పవన్ కళ్యాణ్ నటించాలని కొంతమంది కామెంట్లు చేస్తుండటం గమనార్హం. పవన్ కళ్యాణ్ సినిమాల ద్వారా సంపాదించిన డబ్బులో ఎక్కువ మొత్తాన్ని సేవా కార్యక్రమాల కోసం ఖర్చు చేస్తూ మంచి మనస్సును చాటుకున్నారు. పవన్ ను అభిమానించే వాళ్ల సంఖ్య పెరుగుతోంది.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
