దేశం క్లిష్ట పరిస్థితుల్లో ఉంది.. ఈ డైలాగ్ ఎక్కడో విన్నట్లుంది కదా. అదేదో సినిమాలో నూతన్‌ ప్రసాద్‌ అంటారు లెండి. ఇప్పుడు ఆ డైలాగ్ బాలీవుడ్‌కి సరిగ్గా సరిపోతుంది. ‘బాలీవుడ్‌ క్లిష్ట పరిస్థితుల్లో ఉంది’.. ఎంతో ప్రయత్నం చేస్తే కానీ విజయాలు దక్కడం లేదు. ఎట్టకేలకు ‘పఠాన్‌’తో ఓ బిగ్‌ స్టార్ మంచి విజయం అందుకున్నారు. భారీ వసూళ్లు వచ్చాయి. అయితే ఈ సమయంలో సల్మాన్ ఖాన్ ఓ రీమేక్‌ చేస్తున్నార. దీంతో ఈ సినిమా ఫలితం ఏమవుతుంది, బాలీవుడ్‌ తిరిగి పుంజుకుంటుందా అనే చర్చ మొదలైంది.
(Salman Khan) సల్మాన్ ఖాన్ హీరోగా, పూజా హెగ్డే హీరోయిన్‌గా ‘కిసీ కా భాయ్‌.. కిసీ కా జాన్‌’ అనే సినిమా రూపొందింది. రంజాన్‌ కానుకగా ఈ సినిమాను 21న విడుదల చేస్తున్నారు. ఈ నేపథ్యంలోనే అభిమానులు, బాలీవుడ్‌ ప్రేక్షకులు ఆలోచనలు చేస్తున్నారు. ఎందుకంటే సల్మాన్‌కు ఇటీవల కాలంలో సరైన విజయం లేదు. దీంతో మంచి మాస్‌ సినిమా చేసి.. ఇటు కెరీర్‌కు, అటు ఇండస్ట్రీకి డబ్బులు వచ్చేలా చూడాలనేది అభిమానుల కోరిక. అయితే ఈ సినిమా రీమేక్‌ ఎంతవరకు వర్కౌట్‌ అవుతుంది అనేదే ప్రశ్న.
తమిళంలో మంచి విజయం అందుకున్న ‘వీరమ్’ అనే సినిమాకు ఈ సినిమాక రీమేక్‌. అయితే టీమ్‌ కేవలం సోల్‌ మాత్రమే తీసుకున్నాం అంటోంది కానీ.. ఏదైనా రీమేక్‌ రీమేకే. దీంతో ఇప్పటివరకు ఈ సినిమా రీమేక్‌లు ఎలా వర్కౌట్‌ అయ్యాయి అనే ప్రశ్న మొదలైంది. అజిత్‌, తమన్నా జంటగా శివ దర్శకత్వంలో వచ్చిన ‘వీరమ్’.. తెలుగులో ‘వీరుడొక్కడే’గా డబ్బింగ్‌ అయింది. ఆ రోజుల్లో అంతగా ఆదరణ దక్కలేదు. ఆ తర్వాత పవన్ కల్యాణ్‌ ఆ కథనే ‘కాటమరాయుడు’గా తీసుకొచ్చారు. పరాజయాన్ని మూట గట్టుకున్నారు.
అయితే ‘ఓడేయ’ పేరుతో దర్శన్‌ హీరోగా కన్నడలో ఈ సినిమాను రీమేక్‌ చేశారు. ఎండీ శ్రీధర్‌ దర్శకత్వం వహించిన ఈ సినిమాకు మంచి ఫలితమే వచ్చింది. దీంతో హిందీలోనూ మంచి ఫలితం రావొచ్చు అనే చర్చ ఉంది. అయితే ఇప్పటికే ఈ సినిమా హిందీ వెర్షన్‌ అందుబాటులో ఉంది. గోల్డ్‌మైన్‌ టెలీ ఫిల్మ్స్‌ యూట్యూబ్‌ ఛానల్‌లో ఈ సినిమాను చాలా మంది చూసేశారు.
శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!
బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!
