బిగ్ బాస్ హౌస్ లో అందరిదీ ఒకదారి అయితే ఇస్మార్ట్ సోహైల్ ది ఇంకోదారి. మనసులో ఏదీ దాచుకోకుండా వెంటనే అక్కడిక్కడే తేల్చేసుకోవడం అనేది సోహైల్ స్టైల్. అంతేకాదు, విపరీతమైన కోపం, ఈజీగా వచ్చే ఆవేశం, మాటలు వదిలేయడం, మొహమాటం లేకుండా మాట్లాడేయడం అనేది ప్లస్ అయ్యింది మైనస్ కూడా అయ్యింది. కొత్తబంగారులోకం సినిమాలో చిన్న క్యారెక్టర్ తో వెండితెరకి పరిచయం అయిన సోహైల్, తర్వాత త‌న‌కు మంచి బ్రేక్ రావాలని చాలాకాలం వెయిట్ చేశాడు. ఒకవైపు సినిమాలు చేస్తూనే మరోవైపు వెబ్ సీరిస్ లు, సీరియల్స్ లో కూడా నటించాడు. కృష్ణవేణి సీరియల్ తో కాస్త గుర్తింపు వచ్చింది మనోడికి. కానీ, ఇప్పుడు బిగ్ బాస్ హౌస్ లో అంతకు మించి గుర్తింపు వచ్చిందనే చెప్పాలి.
తను నమ్ముకున్న వృత్తిలో రాణించేందుకు ఫుల్ ఎనర్జీతో ఎఫెర్ట్స్ పెట్టే సోహైల్, ఇస్మార్ట్ సోహైల్ గా బిగ్ బాస్ హౌస్ లో ఎక్కడా కూడా ఎనర్జీ డ్రాప్ అవ్వకుండా గేమ్ ఆడాడనే చెప్పాలి. గేమ్ లో వస్తూనే సీక్రెట్ హౌస్ లోకి వెళ్లి ఫస్ట్ వీక్ నామినేషన్స్ ని తప్పించుకున్నాడు. ఆ తర్వాత హౌస్ లోకి ఎంట్రీ ఇస్తూనే తన కోపం ఎలా ఉంటుందో అందరికీ చూపించాడు. ప్రతి విషయానికి సులువుగా ట్రిగ్గర్ అయ్యేది ఎవరైనా ఉన్నారు అంటే అది సోహైల్ అనే చెప్పాలి. ఈ యాటిట్యూడ్ తోనే ప్రేక్షకులకి దగ్గరయ్యాడు, సపరేట్ ఫ్యాన్ ఫాలోయింగ్ ని ఏర్పరుచుకున్నాడు. ఇప్పుడు ఏకంగా టైటిల్ పై కన్నేశాడు. సింగరేణి ముద్దుబిడ్డ అంటూ హౌస్ లో చెప్పుకోవడం వల్ల ఇప్పుడు ఆ ప్రాంతం వాళ్లందరూ కూడా సోహైల్ కి ఓటింగ్ చేస్తూ తమ మద్దతుని తెలియజేస్తున్నారు.
అంతేకాదు, మరోవైపు చాలామంది సోహైల్ కి ఓట్స్ వేయమని సోషల్ మీడియాలో పోస్ట్ లు కూడా పెడుతున్నారు. గేమ్ లో తన బలం, బలహీనత రెండింటిని చూపించిన సోహైల్. ఆటకంటే కూడా బాండింగ్ కే ఎక్కువ విలువ ఇచ్చాడు. ఒక్కోసారి తన కెప్టెన్సీని సైతం త్యాగం చేశాడు. రేస్ టు ఫినాలే టిక్కెట్ సైతం అఖిల్ కి శాక్రిఫైజ్ చేశాడు. అదే బలంగా ఇప్పుడు ఫైనల్ లోకి దూసుకువచ్చాడు. మరి ఇస్మార్ట్ సోహైల్ ని ఆడియన్స్ విన్నర్ ని చేస్తాడా లేదా అనేది చూడాలి. విజేతగా నిలుస్తాడా..? టైటిల్ గెలుస్తాడా లేదా అనేది ఇప్పుడు చాలా ఆసక్తికరంగా మారింది.
[yop_poll id=”1″]
Most Recommended Video
2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
