‘డీజే టిల్లు’ సినిమాతో భారీ విజయాన్ని అందుకున్న యంగ్ హీరో సిద్ధు జొన్నలగడ్డ ఇప్పుడు వరుస ప్రాజెక్ట్ లను లైన్ లో పెడుతున్నారు. ఈ సినిమాతో అతడి క్రేజ్ అమాంతం పెరిగిపోయింది. ఈ సినిమాతో అతడి ఇమేజ్ మారిపోవడంతో ఆల్రెడీ ఒప్పుకొని.. షూటింగ్ కూడా చేస్తోన్న ఓ సినిమా నుంచి తప్పుకొని ఆ చిత్ర దర్శకనిర్మాతలకు షాకిచ్చాడట సిద్ధు జొన్నలగడ్డ.
అసలు విషయంలోకి వస్తే.. మలయాళంలో సూపర్ హిట్ అయిన ‘కప్పెల’ అనే సినిమాను తెలుగులో రీమేక్ చేస్తున్నారు. ‘డీజే టిల్లు’ సినిమాను నిర్మించిన సితార ఎంటర్టైన్మెంట్స్ బ్యానర్ లోనే ఈ సినిమా కూడా తెరకెక్కుతోంది. సుకుమార్ దగ్గర శిష్యుడిగా పని చేస్తోన్న రమేష్ అలియాస్ శౌరీ చంద్రశేఖర్ ఈ సినిమాతో దర్శకుడిగా పరిచయమవుతున్నారు. ఇందులో హీరోయిన్ గా అనైకా సురేంద్రన్ నటిస్తోంది.
మలయాళంలో అనా బెన్ పోషించిన పాత్ర ఇది. ‘కప్పెల’ సినిమా హీరోయిన్ చుట్టూ తిరిగే కథ. అయితే హీరోయిన్ మించి హైలైట్ అయ్యే రోల్ ఒకటి సినిమా ఉంటుంది. మళయాలంలో ఆ పాత్రను రోషన్ ఆండ్రూస్ చేశాడు. ఇది డిఫరెంట్ షేడ్స్ ఉన్న పాత్ర. ఆ పాత్రకు సంబంధించిన ట్విస్ట్ చూసి చివర్లో షాక్ అవుతారు ప్రేక్షకులు. తెలుగులో ఈ పాత్ర కోసం సిద్ధు జొన్నలగడ్డను తీసుకున్నారు.
ఈ సినిమాకి ఓకే చెప్పే సమయానికి ఈ పాత్ర విషయంలో అతడికి ఎలాంటి అభ్యంతరాలు లేవు. కానీ ఇప్పుడు ‘డీజే టిల్లు’ సినిమాతో అతడి ఇమేజ్ మారిపోవడంతో సిద్ధు ఈ పాత్ర విషయంలో పునరాలోచనలో పడ్డాడట. తన ఇమేజ్ కు ఈ పాత్ర సూట్ అవ్వదని భావించి కొన్ని సన్నివేశాల్లో నటించాక ఇప్పుడు సినిమా చేయలేనని చెప్పి తప్పుకున్నాడట. దీంతో సినిమా షూటింగ్ ఆగిపోయింది. సిద్ధుకి బదులుగా మరో నటుడిని ఎంపిక చేసే పనిలో పడ్డారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
